13de FAK-Afri-Duetfees in Staatsteater te sien

Die Federasie van Afrikaanse Kultuurvereniginge (FAK) is trots om die 13de FAK-Afri-Duetfees op Saterdag 17 Oktober om 14:00 in die Opera van die Suid-Afrikaanse Staatsteater in Pretoria aan te bied.

Die fees word in samewerking met Dinamika Finansiële Dienste aangebied en beloof ’n besonderse middag waarin die krag, talent en veelsydigheid van Afrikaanse musiek op een verhoog gevier word.

Die Afri-Duetfees het hom oor die jare gevestig as ’n belangrike gebeurtenis op die Afrikaanse musiekkalender en bied aan kunstenaars die geleentheid om bekende liedere op ’n vars en besondere manier deur duetoptredes te vertolk. Die 2026-fees bring van Suid-Afrika se geliefde kunstenaars byeen vir ’n produksie waarin stemme, persoonlikhede en musikale style mekaar aanvul.

Die gehoor kan uitsien na optredes deur die duetpare Jannie Moolman en Loriska Schmidt; Hendri Myburgh en Nadia Beukes; Douwe Bijkersma en Lanie Coetzer; asook Louis Loock (van Romanz-faam) en die internasionaal bekende sopraan Amira Willighagen. Dit is ’n besondere belewenis wanneer al hierdie stemme saamgevoeg word, veral in die gewyde deel van die program. Die begeleidingsorkes, bestaande uit klavier, orrel, viool, tjello, kitaar, dromme, perkussie en trompet, word gelei deur Liesl du Plessis.

Vrydag 17 Oktober 14:00

Opera, Suid-Afrikaanse Staatsteater, Pretoria

R180-R280

17 Oktober 13:00 en vertoning begin 14:00